Награда „Меша Селимовиќ” за најдобар роман објавен во 2008 година на подрачјето на Босна и Херцеговина, Хрватска, Србија и Црна Гора
Автобиографска приказна за осаменото растење во разни културни светови и за потрагата по идентитетот.
Главниот јунак често го менува местото на живеење и често се сели. Расте во Босна, тинејџерските години ги минува во Хрватска, а потоа заминува во егзил во Норвешка. Се обидува да се врати и во Босна и во Хрватска, но открива дека веќе не припаѓа целосно на ниеден од тие светови. Но не може да се вдоми ни во Норвешка, во која не може да се приспособи, зашто и таа не е неговиот свет. Чувствува дека е нигде и одникаде.
