Роман на „српскиот Буковски“, уредник во „Плејбој“, контроверзен, но еден од најчитаните српски писатели во 21 век. Бестселер со седум изданија. Драматична и потресна приказна за една изгубена генерација, за животот меѓу стихијноста, демоните и пороците.
Главниот јунак во романот, кој е главен лик и во другите книги на Видојковиќ и е авторовото алтер-его, го раскажува својот губитнички, безнадежен живот кој го живее меѓу стихијноста, демоните и пороците во својот изобличен град, меѓу изобличени луѓе, во изобличена земја, а приказната постепено од забава се претвора во поука и во опомена од последиците на суровостите што ги носат транзициските, поствоените и урбаните лавиринти, односно бруталната, апсурдна и обесмислена стварност.
