Книгата е составена од стотина текстови распределени во шест циклуси, и тоа посветени на актерот, драмски автори, сценографи и костимографи, на фестивалски и други театарски теми.
Во овој труд Ивановски пишува речиси за сите значајни имиња во македонската драмска литература и театарска уметност, но и за голем број странски театарски имиња и се карактеризира со темелна систематичност, анализа и вреднување.
Театарските настани и личности што се предмет на внимание во книгава најмногу и најчесто се врзани за македонскиот театарски простор. Тие го опфаќаат временскиот распон од четири децении и освен според видот на проблематиката, тие се распределени и според годините кога се пишувани.
