Наскоро!
Книжевниот бум, книгата „ Во време на епидемија" и во Македонија!
Штотуку објавената и планетарно популарната книга на познатиот италијански писател Паоло Џордано ВО ВРЕМЕ НА ЕПИДЕМИЈА, по италијанското издание објавено на крајот на март, пред неколку дена излезе во 16 земји, а за неколку дена ќе излезе и во Македонија, во издание на „Македоника литера“.
Дури 31 издавач во 29 земји речиси истовремено ја објавуваат оваа книга. Речиси секавично се објавува во светот. Резултатите се неверојатни: повеќе од 200.000 продадени е-примероци за помалку од дваесет и четири часа по објавувањето во Јапонија и повеќе од 150.000 во Франција за исто време.
Веднаш стигна на врвот на топ-листите на најбараните книги. Многу престижни светски дневни весници и списанија веднаш ѝ посветија големо внимание на книгата, отстапувајќи цели страници или и насловни страници. Огромен новински простор отстапија: Њујорк тајмс, Фајненшл тајмс, Сандеј тајмс, Л Монд, Ел Паис, Тајмс, Ара, ДН.Култур...
Профитот од објавувањето на оваа книга ќе се донира во добротворни цели за научни истражувања и за мерките за управување со оваа здравствена состојба.
Паоло Џордано (38) е еден од најзначајните и најпродаваните италијански писатели. Доктор е по физика и е автор е на четири романи. Добитник е највисоката книжевна награда во Италија „Стрега“. Неговите романи се објавени во педесетина земји. Книгата ја пишува во еден здив, за време на карантин. Таа е исклучително елегантна и суштинска со есеизирано раскажување и со размислувања за сосема новата ситуација и за трансформациите на современото општество и културата. Широкиот опсег, капацитетот и здивот на оваа книга веднаш беа разбрани во целиот свет и духот на оваа книга се чувствува во многу земји, затоа што сите се соочуваат со глобална криза.
„Епидемијата CoViD-19 е предвидено да биде најзначајната здравствена итна состојба во нашето време. Ги изложува различните нивоа на кои сите сме поврзани едни со други - без оглед каде се наоѓаме, сложеноста на светот во кој живееме, неговата социјална, политичка и економска логика и меѓучовечкото и психолошкото расудување. Она што го доживуваме, ги надминува нациите, над идентитетите, преку културите. Оваа инфекција е мерка за тоа колку стана глобален, меѓусебно поврзан и нераскинлив нашиот свет. Епидемијата нè охрабрува да размислуваме за себеси како припадност на едно општество. Ни принудува да ја користиме нашата имагинација на начини на кои, во нормални околности, ние едноставно не сме навикнати: да се гледаме како неразделно поврзани со другите луѓе и да ги задржуваме во умот кога ќе направиме свои индивидуални избори. Во време на зараза ние сме единствен организам, заедница. Во време на зараза, ако ни недостасува солидарност, тоа е првенствено затоа што ни недостасува имагинација. Заедницата што треба да нè загрижува, во време на зараза, е целото човештво.“
