Македоника Литера

Најнови изданија

второ дополнето и проширено издание

Невен Радически

400 мкд

210 стр., 200 х 140 мм, 2025

Пресметките на македонската политичка сцена кон крајот на 60-тите и во почетокот на 70-тите години на ХХ век претставувалe дел од политичките пресметки во југословенската федерација и биле рефлексија на сè поизразените национални, економски и политички разлики меѓу републиките и покраините.

За да не му бидат загрозени позициите во СКЈ, со поддршка на конзервативните кругови во Партијата, Тито ги отстранил од политиката либерално ориентираните функционери. „Гревот“ на македонските либерали бил што сè повеќе се залагале за демократизација, за развојот на Македонија и за македонските национални интереси. Судирот преминал во борба за власт, но и во лични дискредитации.

За ова издание авторот напоменува:

„Второто, дополнето и проширено издание на „Либера­лиз­мот во Македонија (1966 – 1974)“ е резултат на моите натамошни проучувања поврзани со оваа тема, и воопшто, со овој период од нашето историско минато. Во трудот се користени објавени и необјавени извори, стручна литература, мемоари и публи­цистика, кои поради една или друга причина не беа достапни кога работев на првото издание на оваа монографија.

Во трудот, со оглед на тоа што се работи за настани кои се повеќе или помалку непосредно поврзани со политичките и општествените процеси кои се одвивале во СР Македонија, како и со темата која е предмет на истражување, во III глава внесени се и две нови поглавја посветени на студентските активности на Скопскиот универзитет во 1968 година, односно на демонстрациите на Албанците во Македонија во текот на истата година. Притоа, направени се и извесни измени и приспособувања, кои најчесто сѐ од технички карактер.“

Лиу Џенјун

500 мкд

296 стр., 200 х 140 мм, 2025

 Оригиналниот наслов  на „Јас не сум прељубница“ е „Јас не сум Пан Џјинлиан“. Пан Џјинлиан е познат лик од кинеската книжевност – таа е најпознатата прељубница во историјата на кинеската книжевност. Англискиот превод на насловот на овој роман е „Јас не го убив маж ми“, а на филмот снимен според овој роман – „Јас не сум госпоѓа Бовари“.

Лиу Џенјун (1958) е кинески...

Невен Радически

300 ден.

178 стр., 200 х 140 мм, 2024 г.

  Предмет на научниот интерес во овој труд претставува општествениот, политичкиот, културниот и економскиот развој на современата македонска држава во периодот меѓу 1944 и 1963 година. Првиот, наедно и најкраток период од овој временски распон, т.н. асномската фаза во развојот на македонската држава, започнува со Првото заседание на Антифашистичкото собрание на народното ослободување на Македонија (АСНОМ) 2 август 1944 година и...

Александру Македонски

250 ден.

130 стр., А5 (200 х 140 мм), 2024

 „Таласа“ е роман што наликува на идила како пасторалата од античко време „Дафне и Хлоја“ од Лонг и која кореспондира со античките митски времиња, но измешана со елементи на вдахно­вена лирска инспи­рација и со модерни процеси и состојби. Александру Маке­донски овој роман го извел во стил на прозна песна и во манир на симболите на старата поезија, но и со филозофски пев. „Таласа“ врзува многу нишки од изворите на старата и...

Алберто Моравија

500 ден.

304 стр., А5 (200 х 140 мм), 2024 г.

 

 Романот „Конформист“, првпат објавен во 1947 година, е едно од најзначајните дела на Алберто Моравија. Овој роман го направи еден од најчитаните повоени писатели во Европа. Истражувајќи ја врската меѓу потиснатите емоции и тоталитарното општество, како и човечката подготвеност да се потчини на менталитетот на конформизам и послушност во потрага по „нормален живот“, овој голем мајстор на стилот пишува возбудлив наратив...

Петре Испиреску

600 ден.

422 стр., 200 х 140 мм, 2024 г.

Многу генерации романски деца растеле и сè уште растат со приказните на Петре Испиреску. Тој е исто што и Марко Цепенков за Македонците, браќата Грим за Германците, Х. К. Андерсен за Данците, Шарл Перо за Французите.

На страниците на оваа книга се оживеани кралеви и кралици, принцови и принцези, храбри херои, чудесно убави самовили, змејови и ламји, вештерки, маѓепсници, маѓепсани животни и секакви други чудни и незаборавни ликови. Во...

Розе Нешковска Славковска

300 ден.

144 стр., 200 х 140 мм, 2024 г.

 

Предмет на истражување во овој труд е анимистичкиот концепт за надворешната душа и неговото присуство во македонскиот сказничен фолклор. Анимистичките претстави во сказните се толкуваат од аспект на примитивните анимистички концепти кои се универзални во сказните на сите народи во светот. Книгата содржи интерпре­та­ции на фолклор­ните мотиви со митолошко-ритуалистичката експли­кација на врвните митолози, антрополози и...

Киро Донев

 

250 ден.

164 стр., 200 х 140 мм, 2024

 

Роман за деца на Киро Донев со илустрации на Славица Купенкова и со поговор на Ацо Ѓоргиев.

Приказната во романот се случува меѓу сонот и јавето. Се одвива во едно планинско село во коешто кај своите баба и дедо доаѓаат две внучиња за да го минат летниот распуст. Еден ден, играјќи тенис, топчето малку посилно удрено одлетува во напуштено штрково гнездо. Дедото е принуден да им го симне „непослушното“ топче. И, токму од тука, почнува и...

Владислав Отрошенко

 

250 ден.

154 стр., 200 х 140 мм, 2024

 

Фасцинантна приказна за една куќа во која живее семејството на чичковците родени со бакенбарди, раскажана со суптилен хумор, двосмисленост и со виртуозно преплетување на фантазмагоријата, митот и реалноста, па затоа и не случајно е наречена „најфантазмагоричната семејна хроника напишана на руски јазик“.

Без динамичен заплет, без неочекувана серија на настани, но и без ниту една...

 Марина Димитриева-Ѓорѓиевска

 150 ден.

80 стр., 200 х 140 мм, 2024 г.

 „Фрагменти од писма што никогаш нема да бидат пратени“ од Марина Димитриева-Ѓорѓиевска содржи триесет кратки прозни текстови во кои доминантни теми се љубовта, чесноста, почитта, човекољубието, праведноста, женската вистина во општествените, партнерските и семејните односи.

Секој текст е напишан како лична размисла која алудира на автореференцијалност, најмногу...

Стјепан Томаш

200 ден.

148 стр., 200 х 140 мм, 2024

 

Романот „Мојот татко спие со ангелите“ првпат е објавен во 1992 година. Потоа Стјепан Томаш ја продолжи приказната и напиша уште два дела и како проширено издание беше објавен со наслов „Мал воен дневник“ (1994). Но во наредните изданија (од 1997) беше публикуван како „Мојот татко спие со ангелите (мал воен дневник)“ и досега има 15 изданија на хрватски јазик. Книгата е популарна кај младите читатели во Хрватска и е задолжителна лектира...

Жарко Милениќ

200 ден.

146 стр., 200 х 140 мм, 2024

 

Леон треба да стане крал, но тој не го сака тоа. Тој само сака да чита книги, додека пак неговиот помлад брат го интере­сира само владеењето со кралството. И покрај тоа што Леон своеволно се откажува од круната, неговиот брат во него гледа потенцијална опасност и го заточува во кулата. И така Леон, изолиран од сите, престојува во кулата и чита... Сè до еден ден кога одлучува да побегне и да го запознае светот за кој толку многу ќе научи...

Лиу Лиангченг

600 ден.

386 стр., 200 х 140 мм, 2024 г.

 

   Романот „Доставувачот на пораки“ (2019) е егзотична, мистериозна и филозофска авантура на доставувач на пораки и магаре. Во него има многу фантастични елементи, и честопати се наведува читателот да се запраша каде е границата меѓу реалноста и заумноста, дали воопшто постои. Има и пасторални и филозофски елементи, а авторот го опишува односот меѓу луѓето и магарињата, односно најголемиот дел од приказната тече од магарешка, а помал...

второ издание

Светлана Антиќ-Јовчевска

300 ден.

154 стр., 200 х 140 мм, 2024

 

Во оваа обична животна приказна хронолошки и ретроспективно се испреплетуваат размислувањата за луѓето и настаните низ кои поминува единката низ животниот циклус - од раѓањето, детството, младоста, средната доба... И сето она низ кое минува една генерација од 60-тите години на минатиот век и нејзиното (не)снаоѓање во транзицијата која носи и жртви.

Ова е длабоко...

Роман Сенчин

500 ден.

364 стр., 200 х 140 мм, 2023

 

„Дожд во Париз“ е психолошки роман. Многумина добиваат желба да избегаат од неуспеси и пресврти или од сивилото во коешто живеат. Некои луѓе треба само да одвојат малку време за да ги вратат работите во нормала. За некого целосната промена на сценографијата нема да биде доволна – секогаш ќе има нешто што нема да дозволи да биде одвлечен од минатото...

И покрај националните пресврти...

Невен Радически

200 ден.

128 стр., 200 х 140, 2023

 

„Мал историски калеидоскоп“ од Невен Радически, која претставува збирка од седум текста и два историски документа. Во нив се обработу­ваат и се разгледуваат различни прашања и теми, претежно поврзани со македонското поблиско историско минато.

Невен Радически (1979) е доктор по историски науки и работи во Институтот за национална историја во Скопје, каде што и магистрирал. Се занимава со...

Стјепан Томаш

200 ден.

144 стр., 200 х 140 мм, 2023

 

Емотивен роман за едно тринаесетгодишно момче, кое, откако дознава дека е посвоено, добива голема желба да ги запознае биолошките родители. На патот до таа вистина, соочувајќи се со светот на возрасните каде што владеат некои нови, посурови и понечувствителни односи и борејќи се со училишните проблеми, првите тинејџерски љубови, односите со другарите - момчето брзо созрева.

„Добар ден, тато“...

Сања Пилиќ

200 ден.

118 стр., 200 х 140 мм, 2023

 

Сања Пилиќ во својата проза посебно сочувствува со девојчињата и момчињата во пубертетот. Нејзините раскази и романи започнуваат без долги воведи и доминираат нефор­мални, хумористични дијалози. Таа создава мост на разбира­ње меѓу возрасните и децата, почитувајќи ги и двете воз­расти. Нејзиниот вокабулар е разговорен, а речениците ѝ се куси и исполнети со ведрина. Чувствата отворено се изразу­ваат, а чест е внатрешниот монолог. Таа сака...

Ранко Матасовиќ

250 ден.

188 стр., 200 х 140 мм, 2023

 

„Неразбудениот“, е роман со автобиографски елементи, хрони­ка на загрепското поднебје и хрватското општество од 1920-тите до 2000-тите години. Животот на Радован Маретиќ, главниот јунак на овој роман, е опишан низ погледите на луѓето од неговата околина – семејството, пријателите, соработниците, љубовница­та… Секој од нив додава по едно камче во мозаикот кој го создава ликот, кој ја создава личноста. Авторот вешто го крие сезнајниот...

Горан Калоѓера

250 ден.

134 стр., 200 х 140 мм, 2023

Како што пишува авторот во воведот на книгата, Рацин е неговиот научен предизвик за кого, уште како млад научник, се обидел детално да го реконструира престојот во Хрватска и неговите дружења со истакнати антифашисти, писатели, уметници и политички другари. Во воведниот дел проф. д-р Горан Калоѓера пишува за Рацин како интелектуалец, поет, романсиер, публицист, критичар, полемичар, собирач на усно народно творештво, односно за неговата...

250 ден.

154, 200 х 140 мм, 2023

 

Оваа книга содржи 110 клучни концепти за заштитата на историскиот град Пекинг, каде централно место има познатиот Забранет Град. Концептите се дефинирани од аспект на историјата, урбанистичкото планирање, системот за заштита и конзервацијата на ревитализираниот стар Пекинг, во кој се наоѓа најголемиот и најдобро зачуван владетелски комплекс од дрвени палати во светот.

Пекинг има историја од повеќе од 3000 години...

Страница 1 од 6